"Good Morning Man Courters! Here’s my case…Me is a big woman wid 4 big sons – my kids dem big big big, dem a big ppl wid dem kids an all dese tings. Now, me have a lickle young bwoy wey me an him a gwan wid a ting pon di regular but sons don’t know bout it or else dem would kill him! Me respect my family an my husband but my husband well sick, inna home an cyan do nutten. Me a human wid needs an feelings an me no wan no man my age fi come drop a sleep pon me – me want a young man fi come hackle me body!! Me know ppl ago say dis an dat but dis a my life an me ago live it how me want to. Me wan sit me sons dem down an tell dem bout me lickle man but me not sure how much details me must tell dem. Suppose dem all wan meet him an all dese tings?? Wey unu tink?"