Thursday, April 7, 2011

MAN COURT IS IN SESSION; ALL RISE: THIS CASE HAVE A REAL TWIST TO IT. IT SADDENS MY HEART IT'S DIRECTLY A MAN COURT ISSUE BUT FROM MAN INNA IT IS A PROBLEM DON'T? SEE CASE BELOW:

"Good Morning Judge Limit. I hope you post my case. This is not really about my man giving me problems or me giving my man problems but it def. involves my man. When I met my baby father, nutten neva did a gwan fi me. Me and him start life together, we build up we lickle shop, me learn fi drive, we keep some dance an mek some money, we build up we lickle house inna di ghetto and fix it up nice an ting. Me all learn fi drive an we buy a lickle putput fi carry we an di kids dem up an down. One night last year, him and one of my really good friends a mouth each other an me no say nutten, till it turn from mouting to real tracing. Me neva intervene me jus tell dem fi dun it. Dem still an continue an jus outta di blue, him say summen wey mussi really hurt har feelings an she chuck him. Dem start grab up dem one another an next ting me know she stab him inna him chest. Him dead a hospital an she dey a jail. Mi world stop dey so an me almost go crazy. Now me have a mix feelings about the situation, at first me was so angry an say she deserve fi go prison when me look an see how she tek wey di only man from me who was good to me and all. Now, me feel sorry fi her cuz me a say him dun dead an gone an she have har life an her kids to live for. NOWWWWWWWWWW hear dis: me find out say she going for bail again an when/if she get bail she a plan fi run way go one small island. I still talk to her family cuz me an her been friends from we lickle bit - sigh - unu help me nuh?"

No comments:

Post a Comment