Thursday, January 5, 2012
MANCOURT IS NOW IN SESSION; ALL RISE: HAPPY NEW YEAR!! MI SAY HAPPY NEW YEAR TO ALL MANCOURTERS! WID DI NEW HERE, ME WAS HOPING DAT SOME PPL WOULD DASH AWAY DEM DIRTY LIFE AN CLEAN UP DEM NASSY ACT BUT I GUESS WIDOUT DEM DERE CAN BE NO MANCOURT SO LET US TRY DI CASE! SEE CASE BELOW:
Your Honour, Happy New Year! Me jus ago give to di court straight an dun! My baby jus turn 9 months old an is pure problems wid me an di fadda - AREADY! See di ting is, him married. Me an him been seeing each other fi a good year an add before me get pregnant, we used to play by di rules an me did know from di get go say him hands tied - but dat neva stop him or me. Hear di dilema part now. All now my baby no register because him doh want it register inna fi him name an di man jus get scarce pon me me cyaan see him an him no come by none at all. Me haffi go uppa wey him work go lay wait him. Him a claim say me tell him say me pregnant when it too late an him cyaan mek him wife know say him have outside children cuz she ago lef him an tek him tings wey him work hard fah.
Me cyaan understan him none at all - why as pickney come inna di picture dem haffi hide? My child ago now suffer from not having a strong relationship wid the father and other siblings. Me heart a hurt me, me know a neva my man but situations change an him need fi now change his situations fi accomodate wi as best as him can. Me no know wey fi do but my child have to right fi grow up wid a father - all if me an him no dey. Yes, Your Honour - even if him have to share him!