MANCOURT IS IN SESSION; ALL RISE: BWOY OUTSIDE SET AWAY RASTA AN DIS CASE IS NO DIFFERENT. SOMETING WEY PPL A GO TRU INNA LIFE SMH...SEE CASE BELOW:

 

 

 

 

Good Morning Judge Limit and ManCourters,

Me an me baby fadda dey from school days. Him was dem hot bwoy dey, cool face u know, very neat. Bout 3 years ago now after we son born, him say him ago be a rasta man an him start bun everything! Him no wan me wear no gstring, no false hair, nails, nutten! Him pop me right dung an me cyan tek it no more. Me hide an use roll on an when him smell it pon me him cuss an say a Babylon me a falla an a man me a look. Me a try attract man wid Babylon smell.  Anyways, bout 2 wks ago me run way from di him an bring me son. Di man find me an come create a big scene. I swear him a get mad. Him change completely an me know em an him dun but my issue is me no wan leave him so me tink him need help. Him no violent or nutten enuh him will jus cuss but him him neva lick me yet. Me def. know say him need help. What me must do?

MANCOURT IS IN SESSION; ALL RISE: WHAT CAN YOU DO TO STOP A MAN FROM TRYING??? AHHH BWOYYYY! FROM YOU LIKE IT AN PUT A RING PON IT...U HAFFI WORK PON IT TOO! MARRIAGE: DI BUSIEST JOB EVER! SEE CASE BELOW:

 

 

 

 

Good morning Mancourters and Judge Limit,

Let me start off by saying that I LOVE my husband!! Yes him piss me off sometimes but what relationship don’t have ups and downs? Nothing major tho. Anyways, I am noticing recently that I am not in the mood to have sex with him. I am not turned on, I HATE it when he comes next to me in bed because all he wants to do is have sex. He gets mad and I would force myself to do it but it feels like a chore. He complains that I never want to have sex anymore and that maybe me have a nex man out dey doing it with so when I come home I have no time for him. The truth is, he is sooo good to me I could never bring a next man in our relationship. Yes, my life has gotten a lot busier, promotion at work etc, but I always come home and make dinner and take care of the family. After homework and dinner I just want to shower and lay in my bed, watch some t.v till me fall asleep. But of late, when he comes to bed with me, his idea of cuddling is his hands on my front a rub it down, me no like dat! Me constantly a tell him. As him come next to me is a cock stand like me a some sex symbol. Its very constant his need ofr sex an he gets angry when I turn him down. I am just not in the mood! Everything else is fine with us but the sex part right now is a killer for me and me tell him say me no wan no fuck and is like him cyan understand that. Now he is up at all hours of the morning a kmt an slam slam di door dem, him jus irritable. In the venings, when I get home, him disappear somewhere in the house, I call him for supper, him come like a puppy den gone again. I don’t mind cuz I get to spend time with the kids and focus but as soon as upstairs gets quiet (when him know say the kids gone to bed) me cringe just hearing the footsteps coming up di stairs. What me fi do??

MANCOURT IS IN SESSION; ALL RISE: SUMMEN INNA SUMMEN; IF IT NO GO SO IT NEARLY GO SO...WHAT DO DESE PHRASES EVEN MEAN?! BIG UP ALL GRANDMOTHERS! SEE CASE BELOW:

 

 

 

Good Morning ManCourters and Judge Limit,

About 3 years ago me find out say my (then babydaddy) husband, an dis girl dey pon phone a talk. Him say dem no dey and she say dem no dey edda. Anyways, me call di girl and she say him tell har say me an him not together me is just him baby madda but she say she and him a jus frens. Me tell har say fi tell him say since we not together, him an she fi come take his tings dem out di house. Anyways, him change him number and one mind say check di phone bill, me keep seeing dis number pon a regular pon it so I called it and it’s the same gal saying dem a jus frens, by dis time me pregnant wid baby #2. Me an him end up in one big fight an him move out, an decide not to finish the paperwork for me to get mi papers. In the end tho, he came thru for me and me get it. When our last baby turned 1, we decided to get married and make it official. We moved about 45 mins outside the city and me change me name pon facebook to his last name etc. Seal up di deal. We have a great system dat works for us, me work nights and him work daytime so we rotate staying with the kids.

 About 2 weeks ago me get a msg from di same gal pon facebook a say happy new year and that me have a beautiful family and keep it up etc etc. memba enuh, me an dis gal was never fren an we still not frens not even on fb so for her to send me a msg like that, to me is like she a send a msg. What unu tink?

MANCOURT IS NOW IN SESSION; ALL RISE: SORRY TO BE LATE BUT ME DID HAVE TO ATTEND TO ME OTHER DUTIES CUZ UNU DUN KNOW SAY ME IS 1 BUSY JUDGE OOO! ANYWAYS, WHY WHY WHY...DEM MAN YAH, DEM MAN YAH, DEM MAN YAH....SEE CASE BELOW:

 

 

 

 

Good morning Judge Limit and Mancourters,

Here’s my issue. Me an me husband married fi 5 years now but been together 7. We have 2 small kids. Last year, a girl called me and said she was sleeping with my husband and now she is pregnant. So me ask har why she neva call di fadda why she a call me? She say she did and him no wan have nutten fi do wid har so me say me too! Me neither want nutten fi do wid him or she! Anyways, me throw him out di house but we have been going to counselling and at di sessions me agree fi work pon it but deep inside me HATE him bad bad! Wha day a tagged pic of him pop up pon MY fb newsfeed and it is a pic of him and his newly born son wid caption an all dese tings. By the look of the pic, either him was there fi di delivery or him go look fi dem.  From dat pic pop up me block him an deleted him, me no answer none of his calls and me nah go back a no more sessions.

Him madda call me and left bout 5 piece a tracing VM fi me how me fi memba where we a come from and dat its fixable. Bay ppl a call me an a try put on di guilt trip. Anybody who call an leave any msgs bout him me doh call back an me stop chat to. Nobody knows how me feel right now and me jus want some different ppl, who don’t know us as a couple fi gimme dem honest opinion if me is really di problem cuz me no wan try anymore. Thank to everyone for their comments.

MANCOURT IS IN SESSION; ALL RISE: A IT DIS PPL! ME GWINE TRY ME BEST FI KEEP DI COURT GOING AS LONG AS ME CAN BUT ME IS A BUSY JUDGE AN ME CYAAN A HELP BAY PPL AN MEK MY BUSINESS SPOIL!! ANYWAYS, WELCOME BACK! I MISSED YOU ALL! BWOY SOMETINGS WEY SOME UNU PUT UP WID, A SO LOVE STRONG AN WICKED AN VILE? SEE CASE BELOW: ENJOY!

 

Good Day Judge Limit and Mancourters!

Thanks for taking the time to read my case. Me honestly don’t know where to start but here goes. Me an my baby fadda dey fi a good 7 years now and we have 1 son. Anyways,  me need the court’s advice on what to do because me a have mixed emotions now. When we son a just bout 3 or 4 months old, one big woman wey him did dey wid come down from England an di man come home an ask me if him can go look fi har cuz she jus come, an me say sure an di man dun eat, bade an leave, neva see him till next morning, me no say nutten cuz me jus couldn’t believe say him woulda really dis me so. Me neva leave him den me stay. Over di years, same shit wid me an him an me still dey there.  Me see dis man sick an admit inna hospital fi 2 wks an everyday me dey dey a bring him dinner an lunch, one day when me dey dey a talk to him, 2 woman come an one say hi to me an di nex one no say nutten him an dem jus start talk – no introduction nutten! When me ask him a who dem ppl here, him say a him ex-woman a England sister dem.

Right now me dey a merica pon di work program, me hear say him have gal a drive up inna me van an me neighbors tell me say him bring dem inna di house. Wha day mi fren call me say har sister an one a di sister fren meet dis man an him carry  dem a him yawd an when she realize, a my yawd so you know is my man carry dem 2 lickle gal dey inna me place. Me all hear how him a teach gal fi drive wid me van wid big “L” pon di back a it. Me away now and me and him skype all di time wid di kids dem, when me ask him bout it, him ‘afta you no dey yah’. Me so tired an fed up so me tell him me nah come back, me ago look a life ova yah an di man no stop call me an text me as daylight. How him miss me and how him coulda handle tings differently. Maybe summen wrong wid me but if unu can jus gimme unu advice, me would really appreciate it. God bless.

MANCOURT IS IN SESSION; ALL RISE: TODAY'S CASE IS A FOLLOW UP TO A CASE POSTED ON MARCH 25, 2011 - OL TIM EPPL DEM USE TO SAY WHA SWEET NANNY GOAT AGO RUN HIM BELLY - SO SIMMA DUNG OR GOD AGO SIMMA YUH!!! SEE CASE AN LINK BELOW:

Good Morning Judge Limit and Mancourters. More than a year ago, I sent in a case involving my mother (click link fi refresh memory: http://mancourt.blogspot.ca/2011/03/man-court-is-in-session-all-rise.html)

Fi hell she won't leave di man. This morning about after 2am me get a urgent call from har, say some lady jus call har say her her common-law husband tek sick an she fi run go. About two hours after me get the phone call, me get another phone call from har say, when she reach di location, di man stiff out an a flatta at one HOTEL!!! Nuh di man woman wey him an har go di Hotel call me madda. Di woman say him tek VIAGARA an den him heart start to race an him tell di woman fi call him woman cuz him cuz she will know what to do. Me tell har say to tell dem to call 119 cuz she cyaan help an she must gwan home. But nooooo, she fling di man inna har car an carry him go emergency hospital fi avoid di "shame" she say - but me wan know - SHAME PON WHO???

MANCOURT IS IN SESSION; ALL RISE: WE BACK PON DI SOLVING DI MAN PROBLEMS DEM AGAIN...WHAT A WORLD EE MAN..LONG TIME NOW ME NO HEAR FROM NO MAN BOUT WHA DEM WOMAN UP TO SO PLS ME A BEG UNU FI SEN ON DI CASES DEM - SEE CASE BELOW:

Good Morning Judge Limit and Mancourters.  I recently got married back in December 2011. Everything was fine until about 2 months ago. Me notice say when him a go anywhere him nah invite me to go wid him. Den wha night yah inna di 3am, him get a text from dis girl. Him delete what him text har say so me only coulda see fi har text to him an she say “ sorry boo, was sleeping, are you still up?” So me text har back “no”, Couple days later me text har again from fi him phone an ask when me can see har again an she say anytime him want. Me an him war bout it an him say she is nobody an how she have har man.

Anyways, we did get invitation to a wedding on the Wedding was on Saturday. Me dey yah a get ready and a fix up den him ask me wey me a go an say him nah carry me. So him alone get dress an bush like pussfoot an gone to the ‘reception’ by himself. Me smell a rat enuh an me jus want some solid advice pon how fi work di angle wey me have cuz watch me and him. Thanks