Friday, February 1, 2013

MANCOURT IS IN SESSION; ALL RISE: A IT DIS PPL! ME GWINE TRY ME BEST FI KEEP DI COURT GOING AS LONG AS ME CAN BUT ME IS A BUSY JUDGE AN ME CYAAN A HELP BAY PPL AN MEK MY BUSINESS SPOIL!! ANYWAYS, WELCOME BACK! I MISSED YOU ALL! BWOY SOMETINGS WEY SOME UNU PUT UP WID, A SO LOVE STRONG AN WICKED AN VILE? SEE CASE BELOW: ENJOY!



 
Good Day Judge Limit and Mancourters!

Thanks for taking the time to read my case. Me honestly don’t know where to start but here goes. Me an my baby fadda dey fi a good 7 years now and we have 1 son. Anyways,  me need the court’s advice on what to do because me a have mixed emotions now. When we son a just bout 3 or 4 months old, one big woman wey him did dey wid come down from England an di man come home an ask me if him can go look fi har cuz she jus come, an me say sure an di man dun eat, bade an leave, neva see him till next morning, me no say nutten cuz me jus couldn’t believe say him woulda really dis me so. Me neva leave him den me stay. Over di years, same shit wid me an him an me still dey there.  Me see dis man sick an admit inna hospital fi 2 wks an everyday me dey dey a bring him dinner an lunch, one day when me dey dey a talk to him, 2 woman come an one say hi to me an di nex one no say nutten him an dem jus start talk – no introduction nutten! When me ask him a who dem ppl here, him say a him ex-woman a England sister dem.

Right now me dey a merica pon di work program, me hear say him have gal a drive up inna me van an me neighbors tell me say him bring dem inna di house. Wha day mi fren call me say har sister an one a di sister fren meet dis man an him carry  dem a him yawd an when she realize, a my yawd so you know is my man carry dem 2 lickle gal dey inna me place. Me all hear how him a teach gal fi drive wid me van wid big “L” pon di back a it. Me away now and me and him skype all di time wid di kids dem, when me ask him bout it, him ‘afta you no dey yah’. Me so tired an fed up so me tell him me nah come back, me ago look a life ova yah an di man no stop call me an text me as daylight. How him miss me and how him coulda handle tings differently. Maybe summen wrong wid me but if unu can jus gimme unu advice, me would really appreciate it. God bless.

8 comments:

  1. Sista hear dis, him a apologize but him no mean it. Move on wid u life, bcuz him no respect u at all. In a u house infront a u children!!! A dutty man!!!!

    ReplyDelete
  2. I know its hard but L-E-A-V-E . Him dont have no respect or regard for you .smh

    ReplyDelete
  3. girlfriend. from di first time him ask u fi go look fi ar an u seh yes, u wrong. di two a unno coulda go look fi ar, or di ansa is no. wedda u yaad or abroad, him no respec u. him need fi go chuck off. go look a life fi u an u kids dem yaw goody. dem no ready fi dis yet!!!

    ReplyDelete
  4. Know your worth darling . You deserve soo much more than that . Mek him gwaann him ways and leave you alone . A now him want text and call ? Total disrespect and disregard for you and your kids. When did he realize that he cud have handled it differently ? It seems to me that because he's always gotten away with it , he just continued to do it .He's taken it for granted that you will always be there .Focus on yourself and your kids . Love Yourself More !!

    ReplyDelete
  5. It's like I keep hearing the same script but different actors .men are such dogs.him no want u lef cause him luv sweets .u deserve better Dan dat johncrow ! Run di germs

    ReplyDelete
  6. It's in fact very complex in this active life to listen news on TV, therefore I just use web for that purpose, and get the latest information.

    Here is my blog post ... hydrolyze

    ReplyDelete
  7. the father say look fi signs an u a ignore dem...u deh a merica now...
    u get a chance fi start a fresh....fi him door close....a new door just open go through it and no look back..

    ReplyDelete
  8. In India Talking to Australia! Supp Yet on the other side" were hired because of their industry contacts or because their poacher-turned-gamekeeper insight made them effective crisis management" flaks", Edelman's strategy is altogether different. Everyone thinks they're going to have crisis management firm a hard time retaining a good reputation. By focusing on the positives and downplaying the negative ones in the press. Boone has an impressive résumé. However, if they would work. Hanging with crisis management firm Paul McCartney! In these dark and troubled times, the super-rich are facing difficulties they never prepared for.

    Have a look at my web site: crisis management
    attorney

    ReplyDelete