Thursday, March 31, 2011

MAN COURT IS IN SESSION; ALL RISE: END OF MARCH - DEM SAY A SPRING BUT ME STILL A SEE SNOW - SUMMER DEY ROUN DI CORNER AN BAY SUMMEN - DI GAL DEM A COMPLAIN SAY DI MAN DEM A GWAN LIKE BUBBLE TEA ANO ME SAY SO OOOOOOOOOO - SEE CASE BELOW:

"Good Morning man Courters & Judge Limit. 8 years ago, my baby fadda get a buss an reach England. Me an him did live, everyting fine – nutten neva wrong, we neva cuss or nutten. Him call me couple times well but tru me know say him jus reach an him ting no str8 me neva pressure him. The phone calls stop – nutten at all. Me cyan hear from him and di number wey me have fi him nah work. Me say ok – so shall it be an me move on wid me life. When ppl ask me fi him, me tell dem say him ok but not a word me no hear from him but me know say him alright cuz him cousin wey sen fi him used to call fi check up on di kids an sen we a lickle ting from time to time. Bout 4 years ago, me dey inna me salon an see one car pull up outside an di person call meWhen me go to di car a him. Him jus push one bag tru di window say a fi di kids dem an dat him cannot stay him have to go now. Me nah go lie
Man Court
, tears full up me eye. Me cyan believe say a di man dis wey me an him did a plan life a deal wid me so. Couple more times after dat me hear say him come Jamaica wid him wife but me no see him at all eventho him start sen back 1 an 2 tings fi di kids dem but nutten fi me – it still all good. Last xmas now, me get dis call from him outta di blue an him say him a come Jamaica if him can stay over my yawd – my yawd enuh wey my daughter stay a farrin an work an buy gi me. Me say no and hang up but it no sit well wid me at all!! Me feel like me need fi ask him wha me do him so. Man Courters, unu feel like me shoulda leave it alone?"


5 comments:

  1. DATS WHY ME GRANNY ALWAYS SAY WICKEDNESS CAN NEVER DUN!!

    ReplyDelete
  2. Mawning judge long time..anyway lady continue living Your life like he doesn't exist..u don't need to know why if Him switch..live your life like its gloden

    ReplyDelete
  3. GOOD MORNING DEAR...WHAT REACHES YOU REACHES ME -GOD NAH SLEEP!! MEK HIM STAY DEY TINK SAY A ENGLAND HIM BORN MAN - DUTTY MAN!!

    ReplyDelete